Слободен софтвер Македонија - Организација

Собрание на Слободен софтвер Македонија 13.12.2017 во 19:00 часот, Хаклаб КИКА

Јованка — Wed, 13 Dec 2017 08:21:20 +0000

На 13.12.2017 година во 19:00 часот, ќе се одржи вонредно годишно собрание на "Слободен софтвер Македонија", со следниот дневен ред:

1. Избор на нови членови;
2. Избор на нови членови на извршниот одбор на организацијата:
3. Разно

Со почит,
Јованка Гулицоска

Вести:

Организација

Записник од годишното собрание на Слободен софтвер Македонија за 2017 година

Гоце Митевски — Tue, 28 Mar 2017 18:00:00 +0000

Согласно одредбите на Статутот на Слободен софтвер Македонија, годишното собрание на здружението се одржа на 28.03.2017 (вторник) во хаклабот КИКА со почеток во 18.15 часот.

Годишното собрание го отвори претседателката на здружението, во функција на претседавачка на собранието, Јованка Гулицоска, со констатација дека на собранието присуствуваат, претседателката Јованка Гулицоска, потпретседателот Дамјан Георгиевски и членовите на здружението Ана Ристеска и Гоце Митевски. Отсутни на собранието беа членовите Александар Лазаров и Божидар Проевски.

Претседавачката на собранието констатираше дека се исполнети условите за полноважно заседавање на собранието и го замоли Гоце Митевски да го води записникот. Потоа го претстави дневниот ред, според поканата за собранието.

Годишен извештај за 2016 година
Избор на нов секретар
Избор на нови членови на здружението
Програма за 2017 година
Разно

1. Годишен извештај за 2016 година

Собранието заклучи дека во 2016 година организацијата успешно ги исполни поголемиот дел од програмските активности според програмата за 2016 година.

Членовите на здружението се сложија дека потребно е повеќе време да се посвети на содржините на сајтот на организацијата.

2. Избор на нов секретар

За секретарка на здружението беше избрана Ана Ристеска.

3. Избор на нови членови на здружението

Членовите на здружението констатираа дека нема потреба од избор на нови членови бидејќи нема пријавени соработници што се заинтересирани за членство.

4. Програма за 2017 година

Членовите на здружението се сложија дека програмата за 2017 година ќе биде утврдена на дополнително собрание.

5. Разно

Членовите на здружението разговараа за реновирање на просториите во коишто е сместено здружението. Констатирана беше итната потреба за реновирање на дел од просториите.

Во 20 часот на 28.03.2017, претседавачката го затвори собранието поради исцрпување на сите точки од дневниот ред.

Хаклаб КИКА
Скопје 28.03.2017 г.

Записничар на собранието
Гоце Митевски

Претседавачка на собранието
Јованка Гулицоска

Прилог	Големина
Записник од годишното собрание на Слободен софтвер Македонија и програма за 2017 година.odt	11.33 KB
Записник од годишното собрание на Слободен софтвер Македонија и програма за 2017 година.pdf	30.85 KB

Вести:

Организација

Собрание на Слободен софтвер Македонија 05.07.2013 во 18:30 часот, Хаклаб КИКА

Игор — Sun, 23 Jun 2013 22:00:00 +0000

Почитувани колеги

Закажувам Собрание на „Слободен софтвер Македонија“ на 5.јули.2013 година во 18:30 часот со дневен ред:

1. Избор на нови членови на извршниот одбор на организацијата: претседател, потпретседател и секретар.

Доколку има предлози за дополнување на дневниот ред, ве молам испратете ми писмено барање (преку е-пошта).

Со почит
Миша Поповиќ / Misha Popovikj
http://slobodensoftver.org.mk

Вести:

Организација

Записник од годишното собрание на Слободен софтвер Македонија и програма за 2013 година

Арангел — Sat, 16 Mar 2013 12:46:32 +0000

Согласно одредбите на Статутот на Слободен софтвер Македонија, годишното собрание на здружението се одржа на 24.02.2013 (недела) и 10.03.2013 (недела) во Хаклабот КИКА со почеток во 18 часот.

Годишното собрание го отвори потпретседателот на здружението, во функција на претседавач на собранието, Игор Стаматовски, со констатација дека на собранието присувствуваат, претседателот Миша Поповиќ, секретарот Арангел Ангов и членовите на здружението, Дамјан Георгиевски, Новица Наков, Божидар Проевски, Владан Поповиќ, Тамара Атанасоска и Јованка Гулицоска. Исто така присутни беа и соработниците Ана Ристеска и Гоце Митевски.

Претседавачот на собранието констатираше дека се исполнети условите за полноважно заседавање на собранието и го замоли Арангел Ангов да го води записникот. Потоа го претстави дневниот ред, според поканата за собранието.

1. Годишен извештај за 2012 година;
2. Избор на нови членови;
3. Избор на нови членови на извршниот одбор на организацијата: претседател, потпретседател и секретар;
4. Донесување на програма за 2013 година;
5. Разно.

Собранието заклучи дека во 2012 година организацијата успешно ги исполни поголемиот дел од програмските активности според програмата за 2012 година. Членовите на организацијата се сложија дека потребно е повеќе време да се посвети на содржините на сајтот на организацијата.
За нови членови на извршниот одбор на Слободен софтвер Македонија беа избрани:
Јованка Гулицоска - претседател
Дамјан Георгиевски - потпретседател
Миша Поповиќ - секретар

Програма за 2013:

Заживување на СподелиКино - организирање на редовни месечни или неделни настани каде што ќе се прикажуваат филмови поврзани со слободниот софтвер и слободната култура, авторските права и сл.

НСНД Охрид и други локални НСНД настани - По успешнате настани во 2011, Слободен софтвер Македонија и во иднина ќе продолжи да ги поддржува локалните НСНД настани организирани на територијата на Република Македонија. НСНД е настан каде што се собираат технолошки ентузијасти од регионот за да разменуваат знаења, искуства и понатаму да го применат сето тоа во својата средина.

Изработка на анализа – изработка и објавување на документи за политика на тема од слободен софтвер или отворени податоци.

Соработка со Факултетот ФИНКИ за повремени презентации за слободен софтвер настудентите од факултетот - По успешната соработка со универзитетот ФИНКИ во 2012 година, Слободен софтвер Македонија има намера да ја продолжи соработката со факултетот преку продолжување на презентациите и предавањата за слободниот софтвер, се со цел да се подигне нивото на свест за слободниот софтвер како и да им се доближат практичните придобивки на слободниот софтвер на студентите.

Поддршка на хаклабот КИКА - Слободен софтвер Македонија и во 2012 ќе продолжи да го поддржува работењето на хаклабот КИКА како единствен отворен простор во Република Македонија во кој што младите технолошки ентузијасти можат да се вклучат во изработката на софтверски и хардверски проекти и како резултат на тоа да стекнат практично искуство кое што ќе им користи во понатамошниот дел од животот, посебно при вработувањето.

Програмата за 2013 година беше едногласно усвоена од сите членови на собранието.

Разно

Собранието едногласно одлучи за нови членови на Слободен софтвер Македонија да ги прими Ана Ристеска, и Гоце Митевски, поради нивниот придонес во глобалната и локална заедница за слободен софтвер.

По барање на членот Новица Наков, истиот премина во почесните членови на организацијата. Собранието му се заблагодари на Новица Наков за долгогодишниот придонес во организацијата и заедницата. Собранието исто така им се заблагодари и на Миша Поповиќ, Игор Стаматовски и Арангел Ангов за успешно завршениот двегодишен мандат.
Собранието го задолжи Гоце Митевски, како активен член на Мозила заедницата да ја истражи можноста за соработка со фондацијата Мозила преку проектот „Мозила репс“.

Во 21:00 часот на 10.03.2013, претседавачот го затвори собранието поради исцрпување на сите точки од дневниот ред.

Хаклаб КИКА
Скопје 10.03.2012 г.

Записничар на собранието
Арангел Ангов

Претседавач на собранието
Игор Стаматовски

Прилог	Големина
zapisnik_2cmk_2013.pdf	37.37 KB

Вести:

Организација

Гоце Митевски

Арангел — Sun, 10 Mar 2013 21:34:00 +0000

Вести:

Заедница

Организација

Гоце Митевски е еден од поновите членови на Слободен софтвер Македонија. Иако членството му започнува официјално во март, 2013 година, во активностите на организацијата е вклучен од поодамна.

Како независен дизајнер многу пати има учествувано во разни проекти на организацијата. Еве некои од позначајните:

дизајн на лого за скопскиот хаклаб КИКА;
дизајн на „Слободен софтвер Македонија на тапет“ - серија на позадини за работна површина, по повод 10 години од формирањето на Слободен софтвер Македонија;
дизајн на веб-сајт за проектот Слободни филмови во Кинотека на Македонија, по повод 10 години од формирањето на Слободен софтвер Македонија;
изработка на промотивни материјали за гостувањето на Richard Stallman во Скопје;
дизајн на веб-банери за проектот OLPC;
дизајн на лого за битолската група на корисници на ГНУ/Линукс - Лугола.

Најголем дел од неговите активности во иднина ќе бидат насочени кон остварување на поголема соработка со организацијата Mozilla. Како официјален претставник на Mozilla (Mozilla Rep) за Р. Македонија, Гоце ќе работи на повторно активирање на локалната заедница на корисници преку организирање на настани и конкретни проекти поврзани со мисијата на Mozilla.

Барање за поведување постапка за автентично толкување на дел од ЗГОНК

2смк — Wed, 12 Dec 2012 19:44:29 +0000

Во своите континуирани активности за разјаснување на нејасните делови од Законот за граѓанска одговорност за навреда и клевета, на 5.12.2012 г. Слободен софтвер Македонија се обрати до пратеникот Ивон Величковски со барање за поведување постапка за автентично толкување на делот од Законот во кој широко го опфаќа објавувањето:

„други форми на уреднички oбликувани програмски содржини кои се објавуваат, односно емитуваат дневно или периодично во пишана форма, звук или слика, на начин достапен за широката јавност.“

Документот е во прилог на оваа вест.

Прилог	Големина
avtenticno-tolkuvanje-zgonk.pdf	25.3 KB

Вести:

Заедница

Медиуми

Организација

Слободен софтвер Македонија се обрати за Член 11 од ЗГОНК и до Претседателот на РМ

2смк — Sat, 24 Nov 2012 10:36:23 +0000

Во вркса со спорниот став од член 11 од Законот на граѓанска одговорност за навреда и клевета Слободен софтвер Македонија испрати и писмо до Претседателот на Републиката.

Текстот е приложен кон оваа вест во PDF.

Прилог	Големина
pismo-pretsedatel-rm.pdf	50.52 KB

Вести:

Медиуми

Организација

Слободен софтвер Македонија освои прво место на националниот натпревар „Подобри идеи за ЕУ фондови“ организиран од ЕКО Свест

2смк — Wed, 14 Nov 2012 19:09:16 +0000

Слободен софтвер Македонија освои прво место на националниот натпревар „Подобри идеи за ЕУ фондови“ организиран од ЕКО Свест за својот предлог „Метео сензор кутии“.

Извадок од образложението за проектот:

Метео сензор кутии е проект за создавање на паметни уреди со помош на Аrdino (мини компјутер) кои можат во различни услови да мерат надворешни појави како што се температура, ветер, влажност, CO2 и сл. Овие информации се видливи за секој од корисниците, но можат да се испраќаат и до централен сервер кој ќе ги агрегира податоците.

Со овој проект на граѓаните им се дава шанса да учествуваат во собирање на податоци за својата околина. На тој начин се креира заедница која е создавач на информации од јавно значење меѓутоа и заедница која со самото учество ќе биде поттикната да бара подобрување на условите во животната средина.

На повикот што беше распишан во 2012 година 2с.мк аплицираше со две идеи. Идеите се во прилог на оваа вест.

Прилог	Големина
nacionalen_konkurs_prijava_2s.mk1-veloskopje.pdf	86.47 KB
nacionalen_konkurs_prijava_2smk-meteokutija.pdf	86.92 KB

Вести:

Организација

Проекти

Софтвер

Поднесен проект за OpenAart

2смк — Sun, 28 Oct 2012 13:35:04 +0000

Во октомври 2012 Слободен софтвер Македонија во соработка со Ива Галевска поднесе предлог-проект на конкурсот објавен на http://eyebeam.org/blogs/roddy/openart-call-for-proposals.

Документите се во прилог на оваа вест.

Прилог	Големина
open(art)-breathing-city.pdf	56.26 KB
free-software-macedonia-cv.pdf	389.83 KB

Вести:

Документи

Организација

Проекти

Оддржано основачкото собрание на Слободен софтвер Македонија, 28 Октомври 2002 година

Игор — Sun, 28 Oct 2012 01:16:48 +0000

Се одржа основачкото собрание на Слободен софтвер Македонија. Собранието се во „Пингвин Паб“ карши автобуската станица „Рекорд“ во Скопје. Присутни беа 15 основачи. Беше изгласан првиот статут на организацијата и првото раководство. За претседател беше избран Иван Стојмиров. Во управниот одбор членуваа уште и: Александар Ников, Арангел Ангов, Васко Митанов, Дамјан Георгиевски, Дарко Стојчев и Игор Петрески.

10 години подоцна можете да видите што точно се случувало во меѓувреме :
http://wiki.spodeli.org/Важни_настани_за_слободниот_софтвер_во_Република_Македонија

Честитики до целата заедница поради која постои Слободен софтвер Македонија, им честитаме на сите кои неуморно работеа досега и ги поздравуваме и охрабруванме останатите да се вклучат во работата во наредните 10 години.

https://www.gnu.org/music/free-software-song.html

Вести:

Организација